medium

large

thumbnail

1536x1536

2048x2048

small

custom-size

„Meirihlutinn á alltaf að ráða för“ segir bæjarstjóri Snæfellsbæjar

Hljómsveitin Brek spilar í Hallgrímkirkju á sunnudaginn

Næturlokun Hvalfjarðarganga í næstu viku

Kjarnorkukafbáturinn USS Newport News í Hvalfirði

Framkvæmdir hafnar við þjónustustöð N1 á Akranesi

Samkomulag um bætur Borgarbyggðar til Fornbílafjelags

Matland er nýr vefmiðill þar sem fjallað er um mat og matvælaframleiðslu út frá ýmsum sjónarhornum. Útgefandi Matlands rekur vefverslun samhliða miðlinum þar sem lögð er áhersla á að segja frá uppruna matvælanna og fólkinu sem framleiðir matinn. Á Matlandi er meðal annars hægt að kaupa ferskt grænmeti, nauta- og hreindýrakjöt, aðalbláber úr Svarfaðardal, lambakjöt í heilum skrokkum og samsetta pakka með öllu sem þarf í íslenska kjötsúpu.
Vikulegir grænmetiskassar
Nýverið hóf Matland samstarf við nokkra garðyrkjubændur og Sölufélag garðyrkjumanna um vikulega grænmetiskassa sem seldir eru stakir eða í áskrift á vef Matlands. Í kassanum er alltaf það nýjasta og ferskasta sem er í boði á markaðnum hverju sinni, allt eftir uppskerutíma og áherslum. Ásamt því að bjóða hefðbundið grænmeti í kassanum er þar iðulega að finna sjaldgæfari tegundir sem ekki sjást reglulega í verslunum. Í næsta kassa er t.d. að finna íslenskan hvítlauk og smágulrætur frá Efri-Úlfsstöðum, kartöflusmælki og pak-choi salat frá Garðyrkjustöðinni Kinn.
Áskrifendur geta valið um að fá vikulega kassa, á tveggja vikna fresti eða mánaðarlega. Keyrt er út síðdegis á fimmtudögum og fram á kvöld til viðskiptavina sem kjósa heimsendingu á höfuðborgarsvæðinu. Kaupendur utan þess fá grænmetiskassa Matlands afhenta á afgreiðslustöðum Samskipa um allt land.
Með upprunann á tæru
Tjörvi Bjarnason er útgefandi Matlands og hefur síðustu mánuði unnið að uppbyggingu vefverslunar Matlands. „Við finnum að það er mikill áhugi hjá neytendum að kaupa matvörur þar sem uppruninn er á tæru. Á Matlandi kynnum við framleiðendur sérstaklega og segjum frá hvernig varan verður til. Við erum í samstarfi við nokkra bændur sem við leggjum traust okkar á og mælum með. Þetta er ákaflega skemmtilegt samstarf og frá mörgu að segja. Allsstaðar leynast góðar sögur og það eru líka mikil verðmæti fólgin í því fyrir framleiðendur að segja frá hvað þeir leggja áherslu á í sínu starfi,“ segir Tjörvi.
Samvinna við Pylsumeistarann
Matfélagið ehf., sem rekur Matland, er með útgefið starfsleyfi fyrir vefverslun með matvæli frá Heilbrigðiseftirliti Reykjavíkur. Helsti samstarfsaðili Matlands er Sigurður Haraldsson, kjötmeistari Íslands og eigandi Pylsumeistarans. Lager Matlands er í húsnæði hans í Kópavogi og vöruafhending fer fram í verslun Pylsumeistarans á Hrísateig í Reykjavík. Aðrir samstarfsaðilar eru m.a. sláturhúsið í Brákarey í Borgarnesi, Villt og alið á Hellu, Biobú, Sölufélag garðyrkjumanna og fjöldi bænda víða um land. Meiri upplýsingar um félagið og efni Matlands er að finna á vefnum <a href="http://www.matland.is">www.matland.is</a>
-fréttatilkynning
<div id="attachment_56829" style="width: 610px" class="wp-caption alignnone"><img aria-describedby="caption-attachment-56829" loading="lazy" class="wp-image-56829 size-medium" src="https://skessuhorn.is/wp-content/uploads/2022/10/Matland-segir-soguna-a-bak-vid-framleidsluna_2-600x587.jpg" alt="" width="600" height="587" srcset="https://umsjon.skessuhorn.is/wp-content/uploads/2022/10/Matland-segir-soguna-a-bak-vid-framleidsluna_2-600x587.jpg 600w, https://umsjon.skessuhorn.is/wp-content/uploads/2022/10/Matland-segir-soguna-a-bak-vid-framleidsluna_2-1200x1175.jpg 1200w, https://umsjon.skessuhorn.is/wp-content/uploads/2022/10/Matland-segir-soguna-a-bak-vid-framleidsluna_2-300x294.jpg 300w, https://umsjon.skessuhorn.is/wp-content/uploads/2022/10/Matland-segir-soguna-a-bak-vid-framleidsluna_2.jpg 1272w" sizes="(max-width: 600px) 100vw, 600px" />Grænmeti í íslenska kjötsúpu</div>

Matland segir söguna á bak við framleiðsluna