medium

thumbnail

small

custom-size

Deildarmyrkvi á sólu sýnilegur í dag ef veður leyfir

large

1536x1536

Háskólar geta nú boðið upp á viðurkennt örnám

Gylfi Sig í aðalhlutverki í sigri Vals á ÍA

2048x2048

Vanda skal til fóðrunar heimilishæna

Lækkun á ráðlögðum grásleppuafla

Finnst alveg rosalega gaman að ferðast

Þorgerður Ólafsdóttir frá Sámsstöðum í Hvítársíðu í Borgarfirði gekk í það heilaga með sínum heittelskaða Bjarna Brynjólfssyni í síðustu viku. Þau fóru óhefðbundnar leiðir þegar velja átti stað fyrir giftinguna, en þau ákváðu að gifta sig við Kjarará, efsta hluta Þverár í Borgarfirði. Ekki er vitað til þess að gifting hafi áður átt sér stað við ána, a.m.k. ekki í seinni tíð. ,,Við fengum nokkra fjölskyldumeðlimi og ljósmyndara til að fara með okkur upp í Kjarará en enginn annar vissi af þessu. Það rigndi á leiðinni uppeftir en við vorum við öllu búin með regnhlífar í skottinu. Við vorum ekki nákvæmlega búin að ákveða við hvaða hyl við vildum hafa athöfnina en að lokum varð Efri-Johnson fyrir valinu,“ segir Þorgerður um þennan yndislega dag en hylurinn er einmitt í landi Sámsstaða sem foreldrar Þorgerðar eiga.
,,Við námum staðar og um leið og við opnuðum bílhurðirnar hætti að rigna. Við fórum að ánni þar sem Hildur Björk, sóknarprestur í Reykholti, gaf okkur saman við einfalda en fallega athöfn við uppáhalds ána okkar í Sámsstaðalandi. Svo byrjaði að rigna aftur eftir athöfnina.Við Bjarni fórum svo í veiðihúsið þar sem við opnuðum ána ásamt fleiri veiðimönnum næstu daga og veiddum þar sitthvorn laxinn. Mér þótti líka ótrúlega vænt um að Berglind Lára, dóttir Bjarna, sá um förðun og hár hjá mér.“ Við athöfnina voru einungis brúðhjónin, börn þeirra, tengdabörn, barnabarn og ljósmyndarinn Gunnhildur Lind.
Bjarni er uppalinn í Reykjavík en þau Þorgerður búa þar og starfa. Þau hafa verið trúlofuð síðan í desember 2020 en upphaflega byrjaði parið að skipuleggja stórt brúðkaup. Þau tók svo u-beygju með þær áætlanir og komust að þessari niðurstöðu. Þorgerður segir daginn hafa verið fullkominn að öllu leyti og kveðst mjög ánægð með það hvernig plönin kúventust, þau hafi bæði notið sín vel í veiðiumhverfinu enda bæði mikið laxveiðifólk.

Létu pússa sig saman við Efri-Johnson