medium

large

thumbnail

1536x1536

2048x2048

small

custom-size

Til allra sem eru í samskiptum við ferðafólk  (english below)

Fjarskiptalæknir á vakt þar sem samgöngur skerðast

Útburður á Skessuhorni frestast í einhverjum tilfellum

Viðvaranir færðar upp í rautt vegna komandi ofsaveðurs

Ætlar að halda Tinder tónleika í Borgarnesi

Kveikir vonandi áhuga ungmenna á Íslendingasögum

Tónlistarkonan Laufey Lín Jónsdóttir hlaut í gær Grammy-verðlaun fyrir plötu sína Bewitched. Platan hafði verið tilnefnd í flokki hefðbundinna söng-poppplatna. Meðal þeirra sem tilnefndir voru til þessara verðlauna var stjarna á borð við Bruce Springsteen. Við verðlaunaafhendinguna þakkaði Laufey meðal annars fjölskyldu sinni fyrir stuðninginn, einkum systur sinni sem hún sagði hafa verið sinn helsta stuðningsmann. Hún sagðist einnig þakklát samfélögum klassískrar og djasstónlistar um allan heim.



Lilja Alfreðsdóttir, menningar- og viðskiptaráðherra, sagði í færslu á Facebook í gær þegar úrslitin lágu fyrir, að verðlaunin væru risastór áfangi fyrir Laufeyju sjálfa en ekki síst íslenskt menningarlíf. Gat hún þess að Ólafur Arnalds var einnig tilnefndur fyrir Some Kind of Peace (Piano Reworks) í flokknum nýaldarstemmningstónlist (e. Best New Age, Ambient, or Chant Album). „Ekki nóg með þetta, heldur koma Íslendingar við sögu í annarri tilnefningu í kvöld. Tölvuleikurinn Stríðsguðinn Ragnarök hlaut tilnefningu fyrir besta hljóðritið í flokki tölvuleikja og annarra gagnvirkra miðla (e. Best Score Soundtrack for Video Games and Other Interactive Media), og í flokknum besta hljóðplatan fyrir hljóðupptökur (e. Best Immersive Audio Album). Í laginu er áberandi kórsöngur á norrænu máli, sem Schola Cantorum og Hymnodia taka upp í Hofi á Akureyri undir merkjum SinfoniaNord.



Það drjúpa hæfileikar af hverju strái á þessari eyju okkar. Það er bara þannig. Við getum verið svo ótrúlega stolt hvað fólkið okkar er að ná langt úti í honum stóra heimi. Höldum áfram að hlúa að menningarlífinu okkar, útkoman úr því mun alltaf gera okkur stolt,“ skrifaði Lilja Dögg Alfreðsdóttir.

Laufey Lín tók við Grammy verðlaunum