Vorferðir kóranna standa nú sem hæst og greinilegt að margir kórar renna hýru auga til Akranesvita, sem er þekktur fyrir góðan hljómburð. Fjórir kórar hafa sungið þar frá því skömmu fyrir mánaðamótin síðustu, sem er óvenju mikið að sögn Hilmar Sigvaldasonar vitavarðar. „Það er afar sjaldgæft að fá svo marga kóra í heimsókn á svo skömmum tíma. Þannig að orðspor vitans fer víða,“segir Hilmar ánægður.

Fyrst kom Vox Populi í heimsókn rétt fyrir mánaðamót, næst Söngsveitin Fílharmónía, þá Kammerkór Norðurlands og nú síðast Karlakór KFUM. Þegar fjölmennast var í vitanum segir Hilmar að brugðið hafi verið á það ráð að láta kór syngja á tveimur hæðum. Segir hann það hafa komið skemmtilega út.

Hér að neðan má sjá upptöku frá Söngsveitinni Fílharmóníu flytja sálminn fræga Heyr himna smiður í Akranesvita:

Söngsveitin Fílharmonía í Akranesvitanum á Akranesi

Meðlimir í Söngsveitinni Fílharmóníu heimsóttu Akranesvitann laugardaginn 5. maí 2018 og sungu meðal annars þennan sálm "Heyr Himna smiður".https://www.facebook.com/songsveitinfilharmonia/

Posted by Akranesviti on Sunday, May 6, 2018

Og hér er það Kammerkór Norðurlands sem syngur:

Kammerkór Norðurlands í Akranesvita

Kammerkór Norðurlands heimsótti Akranesvitann sunnudaginn 6. maí 2018 og söng nokkur lög. Þar á meðal þetta.

Posted by Akranesviti on Monday, May 7, 2018

Kórar sækja í Akranesvita