Hjónakornin Kim Kardashian og Kanye West ætla að flytja til Chicago, en þau hafa í nokkur ár búið í Kaliforníu-fylki í Bandaríkjunum. Kanye tilkynnti um flutningana á tónleikum í Chicago í gærkvöldi. Þau hafa nú þegar keypt sér húsnæði í Chicago.

Heimili þeirra í Hidden Hills í Los Angeles er gríðarstórt.

Kanye er sjálfur fæddur og uppalinn í Chicago. Hann sagðist aldrei ætla að yfirgefa borgina aftur, þegar hann tilkynnti um flutningana. Heimili þeirra hjóna á Los Angeles svæðinu í Kaliforníu verður þó ekki endilega selt, en húsið er gríðarstórt með stórt landflæmi í kringum sig. Þeirra aðal heimili verður samt líklega núna í Chicago, þriðju stærstu borg Bandaríkjanna.

Kanye, Kim og börnin.

Kanye og Kim giftust fyrir fjórum árum síðan og eiga þrjú börn saman; North West 5 ára, Saint West 2 ára og svo fæddist þeim dóttirin Chicago í janúar með hjálp staðgöngumóður. Kim Kardashian er frægust fyrir hlut sinn í þáttunum Keeping up with the Kardashian og kom með tökulið til Íslands fyrir nokkrum árum, þar sem þau meðal annars ferðuðust um Suðurland. Kanye er frægur tónlistarmaður.

Kim og Kanye flytja til Chicago