Í þessum lið leggjum við fyrir tíu spurningar til íþróttamanna úr alls konar íþróttum á öllum aldri á Vesturlandi. Íþróttamaður vikunnar að þessu sinni er knattspyrnu- og sparkboxarinn Carlos Javier í Borgarnesi.

Nafn: Carlos Javier Saavedra Castellano.

Fjölskylduhagir? Einhleypur.

Hver eru þín helstu áhugamál? Fótbolti og kickbox.

Hvernig er venjulegur dagur hjá þér um þessar mundir? Ég er að vinna frá sjö til klukkan þrjú en svo fer ég að þjálfa kickbox fyrir ungmenni klukkan 16.15. Síðan tekur við æfing hjá meistaraflokki karla í fótbolta klukkan sex og í lok dags þjálfa ég eldri iðkendur í kickboxi.

Hverjir eru þínir helstu kostir og gallar? Kostir eru hugrekki, stolt og að vera góð manneskja en helsti gallinn er að stundum ofhugsa ég hluti.

Hversu oft æfir þú í viku? Á hverjum degi æfi ég, ef það er ekki fótbolti þá æfi ég kickbox eða fer í lyftingasalinn.

Hver er þín fyrirmynd í íþróttum? Ég hef enga ákveðna fyrirmynd í íþróttum en ég hef eina fyrirmynd í lífinu og það er faðir minn. Hann hefur kennt mér ýmis mikilvæg gildi.

Af hverju valdir þú fótbolta? Í sannleika sagt veit ég ekki af hverju ég byrjaði í fótbolta. Fótboltinn byrjaði sem skemmtilegur leikur þegar ég var yngri en í dag er hann stór hluti af hvernig ég lifi lífinu mínu.

Hver er fyndnastur af þeim sem þú þekkir? Declan Redmond, ég held að allir sem þekkja þann kauða geta tekið undir það.

Hvað er skemmtilegast og leiðinlegast við þína íþrótt? Það leiðinlegasta myndi ég segja vera æfingarnar en það skemmtilegasta eru leikirnir sjálfir. Bæði sem leikmaður og áhorfandi.

Íþróttamaður vikunnar ofhugsar stundum hlutina