Í þessum lið leggjum við fyrir tíu spurningar til íþróttafólks úr alls kyns íþróttagreinum sem stundaðar eru á Vesturlandi. Íþróttamaður vikunnar að þessu sinni er Erika Mjög Jónsdóttir kraftlyftingakona í Borgarnesi, en hún er m.a. að fara að keppa í Sterkustu konu Íslands – keppninni laugardaginn 3. ágúst á Akureyri.

Nafn: Erika Mjöll Jónsdóttir

Fjölskylduhagir? Einhleyp.

Hver eru þín helstu áhugamál? Kvikmyndir, tónlist, aflraunir og íþróttir.

Hvernig er venjulegur dagur hjá þér um þessar mundir? Ég vakna um tíu leytið, fer niður í íþróttahús og fæ mér kaffibolla með vaktinni sem er þar að störfum. Fer upp í rækt að hlaupa og tek lyftingaæfingu á eftir því. Fer þá aftur niður í kaffistofu og fæ mér kaffi og mat úr kælinum. Tek stöðuna á sturtunum og pottunum áður en ég klæði mig í vinnufötin og fer niður á lögreglustöð þar sem vakt tekur við.

Hverjir eru þínir helstu kostir og gallar? Traust, stundvís og hjálpsöm myndi ég segja og sterkur karakter. Gallarnir eru að ég er fljót að brjóta sjálfan mig niður og á stundum erfitt með að koma mér í verk. Frestunarárátta.

Hversu oft æfir þú í viku? Ég hleyp fjórum sinnum í viku og lyfti fimm sinnum í viku. Fer einu sinni í viku í Kópavog og tek æfingu þar.

Hver er þín fyrirmynd í íþróttum? Alltaf litið upp til Jóns Páls Sigmarssonar í aflraunum, mig langaði alltaf að verða eins og Dennis Rodman í körfubolta og Peter Schmeichel í fótbolta.

Af hverju valdir þú aflraunir? Ég valdi aflraunir út af því að mig hefur alltaf langað til að prófa þetta frá því ég var yngri og ég sparkaði loks í rassgatið á mér árið 2021 eftir að ég hætti í ólympískum lyftingum og körfubolta. Ég ólst upp við að horfa á Vestfjarðavíkinginn og fleiri mót í sjónvarpinu. Hef horft á alla þætti frá 1990 held ég!

Hver er fyndnust/fyndnastur af þeim sem þú þekkir? Eiður Sigurðsson á sín gullkorn og Guðný Jóna, öðru nafni Gussa, í íþróttahúsinu á einnig sín gullkorn.

Hvað er skemmtilegast og leiðinlegast við þína íþrótt? Skemmtilegast eru þessar hröðu keppnisgreinar, keppnir á tíma eins og helluburður til dæmis en leiðinlegustu greinarnar eru réttstöðulyfturnar.

Íþróttamaður vikunnar hefur alltaf litið upp til Jóns Páls