medium

large

thumbnail

1536x1536

2048x2048

small

custom-size

Hitatölur gærdagsins talsvert frá meti á Hvanneyri

Gaman að skreppa á heiðina

Styrkir veittir til orkusparnaðar í ylrækt

ÍA hafði betur í leik erkifjendanna

Jökulár vaxa í hlýindunum

Sólarhringsvakt var um kafbátinn

Nafn: Gísli Valur Waage



Starf og menntun? Múrari – Múrarameistari.



Hvað er uppáhalds verkfæramerkið þitt?&nbsp; Makita og Sigma.



Hvað hlustar þú á í vinnunni? Bækur á Storytel og ýmiskonar hlaðvörp.



Hvaða drykk færðu þér á morgnana til að koma þér í gírinn? Fyrst Happy Hydrate og svo Pepsi Max strax í kjölfarið.



Hver er uppáhalds iðnaðarmaðurinn þinn utan þíns fyrirtækis? Ég get ómögulega gert upp á milli allra snillinganna sem ég umgengst vinnu minnar vegna.



Ef þú mætir velja aðra iðn til að starfa við, hvaða iðn væri það og hvaða iðn alls ekki? Pípulagnir þar sem mig virðist alltaf vanta pípara. En ég myndi aldrei nenna að vera málari.



Hvað myndi sjónvarpsþáttur um þig heita? GLA-MÚR



Getur þú nefnt skemmtilegt atvik og líka neyðarlegt atvik sem hefur komið fyrir þig í vinnunni?  Það skemmtilegasta er að hafa upplifað það að starfa náið með nokkrum af stórkostlegustu og sérstökustu múrurum sögunnar, t.d. Gösla, Herberti Baxter og Stulla Karls en það væri hægt að skrifa margra binda bók um þessa karla.



Eitt það allra neyðarlegasta er örugglega þegar ég var að flísaleggja veggi á baðherbergi fyrir allmörgum árum, og var að notast við efni (lím og fúgu) sem ég hafði aldrei áður notað. Var kominn vel á veg með fyrsta vegginn, en var búinn að vera í bölvuðum vandræðum að fá flísarnar til að límast almennilega og blótaði flísalíminu alveg í sand og ösku, hvaða djöfulsins drasl væri verið að skaffa manni. Fór svo að hræra annan skammt af lími en fattaði þá að ég hafði óvart hrært fúgu í stað líms þannig að það var ekkert skrítið hversu illa gekk. Var ansi vandræðalegur þegar ég hreinsaði allt af veggnum til að byrja upp á nýtt.



Finnst þér gaman í vinnunni og af hverju?&nbsp; Já, oftast finnst mér mjög gaman í vinnunni. Gaman að geta skapað eitthvað frá grunni og aðstoðað fólk/viðskiptavini við að uppfylla kröfur þeirra og væntingar um t.d. drauma baðherbergið.

Iðnaðarmaður vikunnar – Blótaði flísalíminu alveg í sand og ösku