1b:T78d,

Nafn: Birkir Guðjónsson

Starf og menntun: Starfa sem pípari hjá AK Pípulögnum á Akranesi, er menntaður pípulagningameistari og byggingastjóri.

Af hverju lærðir þú pípulagnir? Ég ákvað það fljótlega eftir að ég byrjaði að vinna við pípulagnir því mér fannst vinnan fjölbreytt og skemmtileg.

Hvað hlustar þú á í vinnunni? Það er oftast Bylgjan eða K100.

Hvaða drykk færðu þér á morgnana til að koma þér í gírinn? Byrja og enda alltaf daginn á vatnsglasi en gosið er aldrei langt undan.

Hver er uppáhalds iðnaðarmaðurinn þinn utan þíns fyrirtækis? Það hlýtur að vera Ómar Örn Helgason enda er maðurinn vaxinn eins og grískt goð að eigin sögn.

Ef þú mættir velja aðra iðn til að starfa við, hvaða iðn væri það og hvaða iðn alls ekki? Ég gæti örugglega orðið ágætis smiður en það leiðinlegasta sem ég geri er að mála svo við sleppum því!

Hvað myndi sjónvarpsþáttur eða bíómynd um þig heita? The Last Dance nema ekki með jafn farsælum endi eins og hjá Jordan!

Getur þú nefnt skemmtilegt atvik og líka neyðarlegt sem hefur komið fyrir þig í vinnunni? Það er alltaf gaman og fyndið þegar píparar komast í óvænta sturtu. Að sama skapi neyðarlegt þegar maður lendir í því sjálfur en það getur gerst þegar maður er að laga sturtutæki og svo kviknar óvænt á sturtunni og fær allt vatnið yfir sig.

Finnst þér gaman í vinnunni og af hverju: Það er oftast mjög gaman í vinnunni, það þarf að leysa mismunandi verkefni á hverjum degi og þegar verkefnin leysast farsællega er starfið mjög gefandi.

Iðnaðarmaður vikunnar – Alltaf fyndið þegar píparar lenda í óvæntri sturtu