medium

large

thumbnail

1536x1536

2048x2048

small

custom-size

Stjórn KFÍA vill halda núverandi legu knattspyrnuvallarins á Jaðarsbökkum

Barist um besta verðið í Borgarnesi

Fjör, gleði og dans á Diskóeyjunni

Vörumerkið mitt og vörumerkið Vesturland

Byggja þrjár nýjar spennistöðvar í Snæfellsbæ

Vilja tvískiptar sorptunnur á ljósastaura

Út er komin skýrslan Viðskiptahugmyndir á Vesturlandi. Skýrslan varpar ljósi á niðurstöður skoðanakönnunar um hugmyndir Vestlendinga að tækifærum í atvinnulífinu, sem framkvæmd var sumarið 2023. Samtök vveitarfélaga á Vesturlandi, NýVest og Gleipnir stóðu saman að frumkvöðla- og fyrirtækjamótinu Nýsköpun í Vestri 29. september 2023 og viðskiptahraðlinum Vesturbrú sem fram fór síðastliðinn vetur og var skoðanakönnunin liður í undirbúningi fyrir þessa viðburði.



Markmiðið með könnuninni var að kanna viðhorf íbúa til nýsköpunar í landshlutanum og kalla fram hugmyndir að tækifærum í atvinnulífinu. Þúsund manns tóku þátt í könnuninni, og samtals voru 384 af þeim sem svöruðu annað hvort með viðskiptahugmynd eða áætlun um nýsköpun í rekstri.



<figure class="wp-block-image size-full is-style-default"><img width="830" height="785" src="https://umsjon.skessuhorn.is/wp-content/uploads/2024/04/Nidurstodur-skodanakonnunar_2.jpg" alt="" class="wp-image-77590" srcset="https://umsjon.skessuhorn.is/wp-content/uploads/2024/04/Nidurstodur-skodanakonnunar_2.jpg 830w, https://umsjon.skessuhorn.is/wp-content/uploads/2024/04/Nidurstodur-skodanakonnunar_2-600x567.jpg 600w, https://umsjon.skessuhorn.is/wp-content/uploads/2024/04/Nidurstodur-skodanakonnunar_2-300x284.jpg 300w" sizes="(max-width: 830px) 100vw, 830px" /></figure>



Tilgangurinn með könnuninni var einnig að sjá hvaða hindranir væru til staðar og í ljós kom að helstu hindranir eru fólgnar í húsnæðisskorti, skipulagsmálum og skorti á fjármagni. Þá var spurt hvort stuðningur utanaðkomandi aðila gæti haft áhrif á að hugmyndin yrði að veruleika og í ljós kom að fjármagn, sveitarfélag og styrkjaaðstoð voru þeir þættir sem þátttakendur nefndu helst.



Helstu niðurstöður eru þessar:



• Á Vesturlandi í heild sinni telja flestir að helstu tækifæri í atvinnulífinu liggi í ferðaþjónustu, heilsueflingu, og veitingaþjónustu.



• Helstu hindranir sem koma í veg fyrir nýsköpun eru húsnæðisskortur, skipulagsmál og fjármagn.



• Tækifærin liggja síst í jöklum, þjóðgörðum og orkuvinnslu.



• Tækifæri á Akranesi liggja helst í heilsueflingu og tæknigeiranum.



• Tækifæri í landbúnaði liggja einkum í Borgarbyggð og Dalabyggð.



• Tækifæri í sjávarútvegi liggja helst í Grundarfjarðarbæ og Snæfellsbæ.



• Tækifæri í iðnaði liggja helst í Hvalfjarðarsveit.



• Konur voru í meirihluta þeirra sem voru með viðskiptahugmynd, eða 58% þátttakenda.



• Af þeim sem voru með viðskiptahugmynd voru 76% launþegar á vinnumarkaði.



• Konur eru yngri þegar þær fá viðskiptahugmynd en karlar. Flestar konur með viðskiptahugmynd voru á aldrinum 31-40 ára en flestir karlar með viðskiptahugmynd eru í aldursflokknum 51 &#8211; 60 ára.



Frekari upplýsingar um niðurstöður skýrslunnar er að finna á heimasíðu Samtaka sveitarfélaga á Vesturlandi; ssv.is

Hugmyndir Vestlendinga að tækifærum í atvinnulífinu