Ljósmyndir af gömlum bifreiðum úr safnkosti Byggðasafns Dalamanna eru nú til sýnis í anddyri stjórnsýsluhússins í Búðardal. Myndirnar eru allar svarthvítar og spanna tímabilið frá um 1935 til 1970. Þær veita áhugaverða innsýn í bílasögu fyrri tíma. Safnið leitar jafnframt til almennings eftir upplýsingum um bifreiðarnar, svo sem tegundir þeirra og sögu. Markmiðið er að auðga skráningu ljósmyndanna og varðveita betur þá sögu sem þær geyma. Þeir sem þekkja til ökutækjanna eru hvattir til að miðla vitneskju sinni í gegnum menningarsögulega gagnasafnið Sarp með því að velja hnappinn „Veistu meira“ á heimasíðu Dalabyggðar.