Að þessu sinni eru 54 fyrirtæki á Vesturlandi sem komast á lista Creditinfo yfir fyrirmyndarfyrirtæki árið 2025. Hafa þau aldrei verið fleiri en nú, átta fleiri en á síðasta ári. Nokkur bætast á þennan eftirsótta lista eins og gengur en önnur hafa fallið af honum af ýmsum ástæðum. Creditinfo veitti viðurkenningar í síðustu viku. Á landsvísu eru fyrirmyndarfyrirtæki Creditinfo 1.155 talsins, nánast sami fjöldi og á síðasta ári. Daði Már Kristófersson, fjármálaráðherra, ávarpaði gesti í Laugardalshöll þegar verðlaunin voru afhent. Ræddi hann m.a. um mikilvægi verðmætasköpunar fyrir hagvöxt. Nefndi að mikilvægt væri að fagna Framúrskarandi fyrirtækjum vegna þess að heilbrigð fyrirtæki væru undirstaða verðmætasköpunar í landinu.

Fimm efstu sæti listans á Vesturlandi skipa KG fiskverkun í Rifi, Garðyrkjustöðin Laugaland í Stafholtstungum, Þróttur á Akranesi, Útgerðin Sæfell í Stykkishólmi og Ragnar og Ásgeir í Grundarfirði. Aðeins eitt fyrirtæki á Vesturlandi hefur verið á listanum á hverju ári síðan hann var fyrst gefinn út árið 2010 en það er jarðvinnu- og verktakafyrirtækið Bjarmar ehf á Akranesi.

Að þessu sinni er 21 fyrirtæki úr Snæfellsbæ á listanum, 17 á Akranesi, sjö í Borgarbyggð, þrjú í Stykkishólmi, tvö í Grundarfirði, tvö í Hvalfjarðarsveit, eitt í Dölum og eitt í Reykhólasveit. Flest starfa fyrirtækin á sviði veiða og vinnslu sjávarafurða en þarna má finna nánast alla flóruna frá flutningastarfsemi, verktöku, garðyrkju og til verslana, iðnaðar eða bókhalds, svo dæmi séu tekin.

Þegar Creditinfo metur hvort fyrirtæki teljist framúrskarandi er m.a. horft til að það hafi skilað hagnaði þrjú ár í röð, sé hóflega skuldsett og sýni samfélagslega ábyrgð svo nefnd séu nokkur skilyrða sem fyrirtæki þurfa að uppfylla. Tæplega 40 þúsund fyrirtæki skila ársreikningi en þegar litið er til allra annarra skilyrða sem fyrirtæki þurfa að uppfylla, þá teljast aðeins um 2% þeirra framúrskarandi.

Fyrirmyndarfyrirtæki á Vesturlandi 2025:

KG Fiskverkun ehf. 360 Hellissandur. Útgerð fiskiskipa

Laugaland hf. 311 Borgarnes. Ræktun á aldingrænmeti og papriku

Þróttur ehf. 300 Akranes. Akstur vörubíla

Sæfell hf. 340 Stykkishólmur. Útgerð fiskiskipa

Ragnar og Ásgeir ehf. 350 Grundarfjörður. Þjónustustarfsemi tengd flutningum á landi

Akraberg ehf. 300 Akranes. Útgerð smábáta

Sjammi ehf. 300 Akranes. Bygging íbúðar- og atvinnuhúsnæðis

Útgerðarfélagið Guðmundur ehf. 355 Ólafsvík. Útgerð fiskiskipa

Fiskmarkaður Snæfellsbæjar ehf. 355 Ólafsvík. Vöruafgreiðsla

Útgerðarfélagið Dvergur hf. 355 Ólafsvík. Útgerð fiskiskipa

Sjávariðjan Rifi hf. 360 Hellissandur. Önnur ótalin vinnsla fiskafurða, krabbadýra og lindýra

Verslunin Nína ehf. 300 Akranes. Fataverslanir

Gísli Stefán Jónsson ehf. 300 Akranes. Leiga á vinnuvélum og tækjum til byggingaframkvæmda og mannvirkjagerðar

Apótek Vesturlands ehf. 300 Akranes. Lyfjaverslanir

Guðmundur Runólfsson hf. 350 Grundarfjörður. Frysting fiskafurða, krabbadýra og lindýra

Vélsmiðja Ólafs R. Guðjónssonar ehf. 300 Akranes. Vélvinnsla málma

Þörungaverksmiðjan hf. 380 Reykhólahreppur. Framleiðsla á tilbúnum áburði og köfnunarefnissamböndum

Sorpurðun Vesturlands hf. 310 Borgarnes. Meðhöndlun og förgun hættulítils sorps

Kristinn J Friðþjófsson ehf. 360 Hellissandur. Útgerð fiskiskipa

Borgarverk ehf. 310 Borgarnes. Bygging annarra ótalinna mannvirkja

Sandbrún ehf. 360 Hellissandur Útgerð fiskiskipa

Endurskoðunarstofan Álit ehf. 300 Akranes. Reikningshald, bókhald og endurskoðun; skattaráðgjöf

Nónvarða ehf. 360 Hellissandur. Útgerð fiskiskipa

Bárður SH 81 ehf. 356 Snæfellsbær. Útgerð fiskiskipa

Sementsverksmiðjan ehf. 300 Akranes. Sementsframleiðsla

Skarðsvík ehf. 360 Hellissandur. Útgerð fiskiskipa

Trésmiðja Þráins E. Gíslasonar ehf. 300 Akranes. Heildverslun með timbur, byggingarefni og hreinlætistæki

BB & synir ehf. 340 Stykkishólmur. Akstur vörubíla

Hidda ehf. 360 Hellissandur. Útgerð fiskiskipa

Bjarmar ehf. 300 Akranes. Smásala á blómum, plöntum, fræjum og áburði í sérverslunum

Fiskmarkaður Íslands hf. 355 Ólafsvík. Fiskmarkaðir

Vogir ehf. 300 Akranes. Framleiðsla á öðrum ótöldum vélum til almennra nota

Blikksmiðja Guðmundar ehf. 300 Akranes. Vélvinnsla málma

Gelmir rekstrarfélag ehf. 320 Reykholt í Borgarfirði. Ferðaskipuleggjendur

Hótel Borgarnes hf. 310 Borgarnes. Hótel og gistiheimili með veitingaþjónustu

Hraðfrystihús Hellissands hf. 360 Hellissandur. Frysting fiskafurða, krabbadýra og lindýra

Eðallagnir ehf. 300 Akranes. Pípulagnir, uppsetning hitunar- og loftræstikerfa

Fossatún ehf. 311 Borgarnes. Önnur bókunarþjónusta og önnur starfsemi tengd ferðaþjónustu

Litlalón ehf. 355 Ólafsvík. Útgerð smábáta

Elkem Ísland ehf. 301 Akranes. Framleiðsla á járni, stáli og járnblendi

Tölvuþjónustan ehf. 300 Akranes Gagnavinnsla, hýsing og tengd starfsemi

Bjartsýnn ehf. 355 Ólafsvík. Útgerð smábáta

Smiðjan Fönix ehf. 360 Hellissandur . Vélvinnsla málma

Útnes ehf. 360 Hellissandur. Útgerð fiskiskipa

Sverrisútgerðin ehf. 355 Ólafsvík. Útgerð smábáta

Vélaverkstæði Kristjáns ehf. 310 Borgarnes. Vélvinnsla málma

Stafnafell ehf. 355 Ólafsvík. Önnur ótalin sérhæfð byggingarstarfsemi

Fasteignafélagið Hús ehf. 300 Akranes. Kaup og sala á eigin fasteignum

Vignir G. Jónsson ehf. 300 Akranes. Söltun, þurrkun og hersla fiskafurða, krabbadýra og lindýra

Steinunn ehf. 355 Ólafsvík Útgerð fiskiskipa

Meitill – GT Tækni ehf. 301 Akranes. Bygging íbúðar- og atvinnuhúsnæðis

Skipavík ehf. 340 Stykkishólmur. Viðgerðir og viðhald á skipum og bátum

Kolur ehf. 370 Búðardal. Önnur ótalin sérhæfð byggingarstarfsemi.

Fyrirmyndarfyrirtæki aldrei verið fleiri á Vesturlandi