medium

large

thumbnail

small

custom-size

Lionsþing var haldið í Ólafsvík

Fóru í menningarferð til Danmerkur

1536x1536

2048x2048

Íslensku jólasveinarnir eru úr Dölunum

Þriðja tap Skagamanna í röð í Bestu deildinni

Fjölmenni á Davíðsmóti í Dölum

Plokkað í Grundarfirði

<h2>Dagur í lífi reddara hjá Skessuhorni</h2>







Nafn: Kolbrún Ingvarsdóttir, alltaf kölluð Kolla



Fjölskylduhagir/búseta: Er einbúi, sonurinn fyrir löngu fluttur að heiman



Starfsheiti/fyrirtæki: Reddari hjá Skessuhorni í hlutastarfi. Í því felst ýmislegt, svo sem að þrífa skrifstofuna. Sjá um þrif, eldsneyti og dekkjaskipti á bílum útgerðarinnar, ljósmyndun, skutl og sendiferðir, eða allt sem skrifstofufólkið nennir ekki að gera.



Áhugamál: Ljósmyndun, föndur og fleira



Dagurinn: Miðvikudagur 17. júlí 2024



Klukkan hvað vaknaðirðu og hvað var það fyrsta sem þú gerðir? Vaknaði klukkan 7 og fyrsta verk var að nudda stírurnar úr augunum, kaffi og sígó. Fljótlega eftir það var ég vöknuð.



Hvað borðaðirðu í morgunmat? Enginn morgunmatur fyrir utan kaffisopann.



Hvenær fórstu til vinnu og hvernig? Í dag sá ég um dreifingu á blaðinu á pósthús, til blaðburðarbarna á Akranesi og í Borgarnesi og því var ég snemma á ferðinni á Subaru bíl Skessuhorns.



Fyrstu verk í vinnunni? Að koma við á pósthúsinu á Akranesi klukkan 8 og svo að vera komin í Borgarnes á pósthúsið þar klukkan 8:30. Þá komast blöðin samdægurs í sveitina ef þangað er póstferð.



Hvað varstu að gera klukkan 10? Þá var ég að koma á Akranes aftur eftir Borgarnesferðina og það er alltaf kaffi og með‘í í vinnunni á miðvikudögum.



Hvað gerðirðu í hádeginu? Búin að dreifa og koma við hjá aldraðri móður minni með blað upp á Höfða. Byrjuð að þrífa skrifstofuna.



Hvað varstu að gera klukkan 14? Kom við heima og slakaði aðeins á en kíkti svo aftur á múttu upp á Höfða.



Hvenær hætt og það síðasta sem þú gerðir í vinnunni? Ég var búin í vinnunni fyrir klukkan 14.



Hvað gerðirðu eftir vinnu? Skrapp inn á Bekansstöðum og kíkti á fuglana, en þar eru bæði endur og hænur sem alltaf er upplýsandi að spjalla við. Algjörar krúttbombur og með þeim er hvergi betra að slaka á.



Hvað var í kvöldmat og hver eldaði? Krispí kjúklingavængir í loftsteikingapottinum, heimsins mesta þarfaþingi einbúans.



Hvernig var kvöldið? Bara rólegt og glápt á sjónvarp.



Hvenær fórstu að sofa? Uppúr miðnætti var lagst á koddann.



Hvað var það síðasta sem þú gerðir áður en þú fórst að hátta? Tannburstun.



Hvað stendur upp úr eftir daginn? Góður og flottur dagur.

„Ekkert eins slakandi og að spjalla við hænurnar“