Nafn: Hlmar Sigvaldason

Starfsheiti/fyrirtæki: Starfa í Akranesvita og sé um upplýsingamiðstöð ferðamanna á Akranesi.

Fjölskylduhagir/búseta: Einhleypur.

Áhugamál: Vitar, ferðaþjónusta, tónlist

Mætt til vinnu og fyrsta verk? Fyrsta verk hvers dags er að opna Akranesvitann og salernin. Gera klárt fyrir komu ferðamanna.

Klukkan 10? Dagurinn byrjar oft á því að hópar ferðamanna kemur og þá segi ég þeim frá staðnum og hvers vegna Breiðarsvæðið er svo heillandi.

Í hádeginu? Ef tími vinnst til þá tek ég matarhlé, en það fer eftir því hversu mikið er að gera.

Um miðjan dag eða nánar tiltekið klukkan 15? Um þetta leiti undirbý ég næsta dag.

Síðasta verkið? Síðasta verk dagsins er að loka vitanum og salernunum. Passa upp á að allt sé vel frágengið.

Fastir liðir alla daga? Alla daga reyni ég að vera virkur á samfélagsiðlum og deila skemmtilegum myndum af gestakomum í vitann. Það koma reglulega tónlistarmenn sem vilja hljóðrita í vitanum og reglulega eru myndlistarsýningar í vitanum.

Hvað stendur upp úr eftir vinnudaginn? Það sem stendur upp úr eftir vinnudaginn er allt það skemmtilega fólk sem heimsótt hefur vitann þann daginn. Margir koma aftur og aftur.

Var dagurinn hefðbundinn? Dagurinn var hefðbundinn að því undanskildu að ég fékk póst frá tónlistarmanni sem vildi hljóðrita og taka upp myndband í vitanum kvöldið eftir. Sá aðili var að koma í fyrsta skiptið í vitann og heillaðist mjög.

Hvenær byrjaðir þú í þessu starfi? Ég byrjaði í þessu starfi í lok nóvember 2014. En áður en það kom til hafði ég unnið með þetta verkefni meðfram annarri vinnu í eitt og hálft ár. Var svona að fóta mig með hvort þetta gæti orðið eitthvað. Hef sem sagt unnið með þetta vitaævintýri í rúmlega 13 ár.

Er þetta framtíðarstarfið þitt? Ég vona það. Allavega er áhugi minn á starfinu mjög mikill.

Hlakkar þú til að mæta í vinnuna? Ég hlakka til hvers dags í vinnunni. Flóran af ferðamönnum er svo mikil og ég fæ eingöngu jákvætt fólk í heimsókn til mín.

Eitthvað að lokum? Það eru allir vegir færir og draumar geta ræst. Ef hugmynd þín er nógu ólíkleg til að virka, þá virkar hún. Trúðu á sjálfan þig!

Dagur í lífi vitavarðar