medium

large

thumbnail

1536x1536

2048x2048

small

custom-size

Málin rædd á skólafundi

Framboðsfundur í beinni hér í kvöld kl. 18:10

Amma Andrea og Flotinn hlutu viðurkenningu Barnaheilla

Fjórða tap Snæfells í röð kom á móti Fjölni

Mikil eftirspurn eftir greiðslumarki í sauðfé

Allnokkrir ökumenn í símanum við aksturinn

Nafn: Arnþór Pálsson



Fjölskylduhagir/búseta: Bý með Þóru Möggu unnustu minni og barni okkar, Ísleifi Narfa.



Starfsheiti/fyrirtæki: Á og rek veitingastaðinn og sjoppuna Skúrinn í Stykkishólmi ásamt Sveini Arnari Davíðssyni.



Áhugamál: Körfubolti, íþróttir og matur.



Dagurinn: Mánudagur 4. nóvember



Klukkan hvað vaknaðirðu og hvað var það fyrsta sem þú gerðir?  Vaknaði klukkan 07.10 og fór beint í verkefnið að koma drengnum í skólann. Þegar þau voru farin upp í skóla tók við stóra spurning dagsins: Klára sem flest heimilisstörf áður en ég fer að vinna, og eiga minna eftir vinnu, eða taka sófann á þetta fram að vinnu og eiga allt eftir, eftir vinnu. Og ég gerði bæði. Tók smá til í eldhúsinu og smá sófi fyrir vinnu.



Hvað borðaðirðu í morgunmat? Donuts og kleinu.



Hvenær fórstu til vinnu og hvernig? Klukkan 9.08 sækir Sveinn mig og þá byrjar vinnudagurinn.



Fyrstu verk í vinnunni? Byrjum á að fara í Bónus að heimsækja Binnu, Önnu og strákana þeirra og verslum inn fyrir daginn. Næst er það bakaríið og fá hamborgarabrauð og morgunmat hjá Helga og Eiríki.



Hvað varstu að gera klukkan 10? Þá tók ég úr lás og tók á móti fyrsta gesti, sem var að vanda Jón Senior sem var mættur í kaffi og að láta okkur heyra það. Svo byrjar undirbúningur fyrir hádegismatinn og í dag voru það hakkabollur og kartöflumús.



Hvað gerðirðu í hádeginu? Elda mat.



Hvað varstu að gera klukkan 14? Þá þurfti að fara að henda kaffiköllunum út en Fífill sá að vanda um að smala þeim út fyrir mig. Svo var skellt í lás.



Hvenær hætt og það síðasta sem þú gerðir í vinnunni? Gerði upp og slökkti ljósin.



Hvað gerðirðu eftir vinnu? Við heimkomu var það afgangurinn af vandamálum morgunsins ásamt „fréttalestri“ í sófanum þangað til gengið mætti heim úr skólanum. Heimalærdómur, trommur, Lego og Play Station urðu verkefni dagsins.



Hvað var í kvöldmat og hver eldaði? Ég eldaði pítu með kjúklingi í kvöldmatinn.



Hvernig var kvöldið? Næst var það að koma drengnum í bað, náttföt og niður í rúm að hlusta á Fólkið í blokkinni í níuhundraðasta skiptið&#8230; held ég. Kvöldið fór mikið bara í að horfa á lélega sjónvarpsþætti þangað til að ég mundi að þarna væri fjarstýring og það væri hægt að gera eitthvað í þessu. Endaði svo á að horfa á hálfan NBA leik (of gamall til að horfa á hann allan).



Hvenær fórstu að sofa? Kl. 00.30.



Hvað var það síðasta sem þú gerðir áður en þú fórst að hátta? Horfði á NBA körfuboltaleik.



Hvað stendur upp úr eftir daginn? Bara rosalega venjulegur dagur en Lego bíllinn sem ég kubbaði í dag var glæsilegur og stendur uppúr eftir daginn.



Eitthvað að lokum? Að lokum vil ég bara óska Danna Kaz til hamingju með daginn en hann á afmæli næsta föstudag&#8230; já eða síðasta. Fer eftir því hvenær þetta kemur út.

Dagur í lífi veitingamanns í Skúrnum