medium

thumbnail

small

custom-size

Eldgos hófst á Reykjanesi í nótt

large

1536x1536

2048x2048

Akraneskirkja hættir rekstri útfararþjónustu

Jörðin Munaðarnes í Borgarfirði til sölu

Skagamenn unnu KR og fiskar komu á land

Hitatölur gærdagsins talsvert frá meti á Hvanneyri

Gaman að skreppa á heiðina

Nafn: Garðar Jónsson.



Fjölskylduhagir/búseta: Giftur og á fjögur börn og átta barnabörn.



Starfsheiti/fyrirtæki: Málarameistari og eigandi GJ málunar ehf.



Áhugamál: Ferðalög og íþróttir.



Hvaða dagur? Föstudagur 14. mars.



Klukkan hvað vaknaðir þú og hvað var það fyrsta sem þú gerðir? Vakna alltaf um klukkan 07:00, tek sturtu og tannbursta.



Hvað borðaðir þú í morgunmat? Tek alltaf lýsi alla morgna og þennan morgun fékk ég mér súrmjólk með banana og appelsínu út á.



Hvenær fórstu til vinnu og hvernig? Lagði af stað klukkan 07:30 í Borgarnes.



Fyrsta verk í vinnunni: Byrjaði daginn á að fara á verkstæði mitt á Sólbakka, hitti þar starfsmenn og fórum yfir verkefni dagsins.



Hvað varstu að gera klukkan 10? Milli klukkan 10 og 12 var ég á verkfundum hjá þremur aðilum að skipuleggja verkefni sumarsins.



Hvað gerðir þú í hádeginu? Í hádeginu var borðað á Olís en einnig notaði ég hádegishléið til að skoða verkefni í tveimur veiðihúsum.



Hvað varstu að gera klukkan 14? Mála íbúð í Borgarnesi.



Hvenær hætti og það síðasta sem þú gerðir í vinnunni? Hætti klukkan 17:00 og endaði daginn á að þrífa verkfæri.



Hvað gerðir þú eftir vinnu? Tók stuttan skokkhring.



Hvað var í kvöldmatinn og hver eldaði? Kvöldmaturinn var kjúklingur og pizza og var hann tekinn í íþróttahúsinu á Vesturgötu.



Hvernig var kvöldið? Körfuboltakvöld. Fór á leik ÍA-Ármann í körfu þar sem ÍA vann í hörkuleik fyrir framan fulla stúku, bikarinn fór á loft og spennandi Bónus deild framundan í nýju íþróttahúsi.



Hvenær fórstu að sofa? Ég var lagstur upp í rúm um miðnætti.



Hvað var það síðasta sem þú gerðir áður en þú fórst að sofa? Bursta tennur.



Hvað stendur upp úr eftir daginn? Körfuboltaleikurinn.



Eitthvað að lokum? Bónus deildin!

Dagur í lífi málarameistara