Nafn: Vagn Ingólfsson

Fjölskylduhagir/búseta: Giftur Unu Erlingsdóttur. Eigum tvær dætur, eitt barnabarn og hund. Er búsettur á Túnbrekku 17 í Ólafsvík.

Starfsheiti/fyrirtæki: Húsvörður Grunnskóla Snæfellsbæjar, norðan Heiðar.

Áhugamál: Stangveiðar, tréútskurður og fótbolti.

Dagurinn: Fimmtudagurinn 5. september 2024.

Klukkan hvað vaknaðirðu og hvað var það fyrsta sem þú gerðir? Vakna um kl. 6:50 alla morgna.

Hvað borðaðirðu í morgunmat? Yfirleitt ekkert en stundum tvö egg.

Hvenær fórstu til vinnu og hvernig? Yfirleitt mættur í vinnu um 7:10.

Fyrstu verk í vinnunni? Byrja alla morgna á stöðufundi með skólastjóra.

Hvað varstu að gera klukkan 10? Var að taka kennslustofu og geymslurými í skólanum á Hellissandi í gegn. Byrjaði að huga að keyra mat úr mötuneyti skólans frá Ólafsvík út á Hellissand.

Hvað gerðirðu í hádeginu? Hélt áfram með verkefnin á Hellissandi, sparsla og mála.

Hvað varstu að gera klukkan 14? Sama.

Hvenær hætt og það síðasta sem þú gerðir í vinnunni? Fór ruslaferð.

Hvað gerðirðu eftir vinnu? Fór að tálga, er að vinna í Þrælavíkurdraugnum.

Hvað var í kvöldmat og hver eldaði? Saltað, vel feitt hrossakjöt – algjör veislumatur sem Una eldaði af sinni alkunnu snilld.

Hvernig var kvöldið? Hélt áfram að tálga.

Hvenær fórstu að sofa? Um kl. 10:30.

Hvað var það síðasta sem þú gerðir áður en þú fórst að hátta? Var í samskiptum við vini og fékk veiðifréttir.

Hvað stendur upp úr eftir daginn? Ánægður með dagsverkið, bæði í vinnu og með hobbýið.

Eitthvað að lokum? Áfram Víkingur, mikilvægur leikur hjá mínum mönnum í Þorlákshöfn og algjör skyldusigur.

Dagur í lífi húsvarðar Grunnskóla Snæfellsbæjar