Nafn: Sigríður Silja Sigurjónsdóttir (alltaf kölluð Silja).

Fjölskylduhagir/búseta: Ég er gift tveggja drengja móðir.

Starfsheiti/fyrirtæki: Aðstoðarskólastjóri í Grunnskólanum í Stykkishólmi.

Áhugamál: Útivera, ferðalög og samvera með góðu fólki.

Dagurinn: Fimmtudagurinn 7. nóvember 2024.

Klukkan hvað vaknaðirðu og hvað var það fyrsta sem þú gerðir? Ég vakna alltaf 6:45-7:00, finnst stundum gott að kúra aðeins eftir að klukkan hringir. Fyrsta verk er alltaf að kveikja á kaffikönnunni áður en ég bursta svo hún sé tilbúin fyrir fyrsta bolla dagsins.

Hvað borðaðirðu í morgunmat? Ég borða yfirleitt ekki morgunmat en fæ mér stundum egg, graut eða samloku um tíuleytið.

Hvenær fórstu til vinnu og hvernig? Ég legg af stað klukkan 7:40 á bíl til að skutla yngsta drengnum á leikskóla og tek svo eldri drenginn með mér í skólann.

Fyrstu verk í vinnunni? Fara yfir verkefnalista dagsins.

Hvað varstu að gera klukkan 10? Ég var að vinna við tölvuna.

Hvað gerðirðu í hádeginu? Fékk mér hádegismat og spjallaði við samstarfsfólk.

Hvað varstu að gera klukkan 14? Ég var á fundi.

Hvenær hætt og það síðasta sem þú gerðir í vinnunni? Það síðasta sem ég gerði rétt fyrir klukkan fjögur var að kanna með tölvubúnað nemenda.

Hvað gerðirðu eftir vinnu? Sótti börnin mín og fór í búðina.

Hvað var í kvöldmat og hver eldaði? Hakk og spaghetti sem ég reiddi fram.

Hvernig var kvöldið? Það var notalegt. Börnin komin í háttinn um klukkan átta og ég skreið upp í fljótlega eftir það.

Hvenær fórstu að sofa? Í kringum níuleytið.

Hvað var það síðasta sem þú gerðir áður en þú fórst að hátta? Setti þvottavélina af stað.

Hvað stendur upp úr eftir daginn? Samverustundin með börnunum.

Eitthvað að lokum? Munum að njóta lífsins og hægja aðeins á okkur.

Dagur í lífi aðstoðarskólastjóra í Stykkishólmi