Bíll fór út af veginum skammt sunnan við Þorbergsstaði í Dölum á níunda tímanum í gærkvöldi. Mikil hálka var þegar óhappið átti sér stað. Að sögn lögreglu fór bíllinn hálfa aðra veltu og endaði á hliðinni. Þrennt var í bílnum og voru fluttir með sjúkrabíl til aðhlynningar á heilsugæslustöð HVE í Búðardal, en reyndust óslösuð.…Lesa meira
Í hugum margra er laufabrauðið eitt af séreinkennum íslensks jólahalds. Á vefsíðu Þjóðminjasafns Íslands um jólasiði kemur fram að elstu heimildir sem til eru um laufabrauðsgerð á Íslandi eru frá fyrri hluta 18. aldar þar sem laufabrauðinu er lýst sem sælgæti Íslendinga. Í dag er laufabrauðsgerð í hugum margra eitt af séreinkennum íslensks jólahalds á…Lesa meira
Verslun Líflands við Borgarbraut 55 í Borgarnesi verður lokuð í dag, en starfsfólk vinnur nú að flutningi verslunarinnar. Í fyrramálið verður verslunin opnuð við Digranesgötu 6 í Borgarnesi, í fyrrum Hagskaupshúsnæði, milli Bónuss og Geirabakarís. Í tilefni þessa býður Lífland veglegan afslátt m.a. af reiðtygjum, hestavörum, fatnaði, skóm, bætiefnum og fleiru í versluninni á föstudag…Lesa meira
Tíundi gluggi aðventudagatals Akraness, “Skaginn syngur inn jólin” var opnaður kl. 9 í morgun. Það var Jónína Björg Magnúsdóttir, Nína, sem flutti lagið Stjörnur á himni en lagið er samið af Nínu. Hlekk á lagið má finna hér: Lesa meira
Frá miðnætti í kvöld og til klukkan 4 í nótt verður rafmagnslaust í hluta uppsveita Borgarfjarðar, nánar til tekið frá Deildartungu í Reykholtsdal að Augastöðum í Hálsasveit. Rarik mun á þessum tíma vinna við háspennudreifikerfið. Nánari upplýsingar veitir Svæðisvakt Rarik Vesturlandi í síma 528 9390 og kort af svæðinu má sjá á www.rarik.is/rofLesa meira
Sunna Birna Helgadóttir hundaræktandi í Borgarnesi segir mikla eftirspurn eftir hundum í dag. Hún ræktar hunda af tegundinni Golden Retriever undir ræktunarnafninu Golden Magnificent. En hvað er það við Golden Retriver sem heillaði hana? „Ætli ég hafi ekki bara valið þessa tegund því fyrsti hundurinn minn var Golden Retriever sem við fengum þegar ég var…Lesa meira
Fjórðungsmót Vesturlands í hestaíþróttum verður haldið í Borgarnesi næsta sumar, dagana 8. til 11. júlí. Að mótinu standa hestamannafélögin á Vesturlandi; Borgfirðingur, Snæfellingur, Dreyri og Glaður, en auk þeirra verður félögum í Húnavatnssýslum, Skagafirði og á Vestfjörðum boðið til keppni. Dagskrá, keppnisgreinar og annað fyrirkomulag verður kynnt á næstunni.Lesa meira
Ákveðið var í haust í Menntaskóla Borgarfjarðar að endurvekja skólablaðið og leggur skólinn nú af stað með útgáfu Eglu á nýjan leik. Egla kom fyrst út árið 2011 og hélt útgáfa blaðsins dampi næstu fjögur árin eftir það, eða til 2016. Síðan hefur blaðið legið í dvala og ekki verið gefið út. Þar til nú.…Lesa meira
Fundur var haldinn í atvinnu- og nýsköpunarnefnd Stykkishólms 30. nóvember síðastliðinn. Þar var meðal annars kynnt samantekt og niðurstöður Breiðafjarðarnefndar um framtíð fjarðarins. Meirihluti atvinnu- og nýsköpunarnefndar Stykkishólms bókaði andstöðu við tillögur og hugmyndir Breiðafjarðarnefndar um að Breiðafjörður verði tilnefndur á lista Ramsarsvæða, að Breiðafjörður verði skilgreindur, að hluta til eða öllu leyti, sem þjóðgarður…Lesa meira
Átta kórónuveirusmit greindust innanlands í gær og voru allir utan einn í sóttkví fyrir sýnatöku. Nýgengi innanlandssmita er nú 46,4. Hér á Vesturlandi hefur ekki fjölgað í hópi smitaðra frá í gær, en alls eru nú sjö í einangrun í landshlutanum; tveir í Borgarnesi og fimm á Akranesi. Þrír eru í sóttkví á Akranesi. Svo…Lesa meira
