Búið er að loka og læsa almenningssalerni sem er við bílastæðið að Glanna og Paradísarlaut í Norðurárdal. Staðurinn er afar fjölfarinn ferðamannastaður enda um að ræða eina af fallegustu perlum Borgarfjarðar sem auk þess er vel kynnt í öllum helstu ferðatímaritum. Á skilti við salernishúsið stendur: „Eigendur Hreðavatnsjarðarinnar sjá sér ekki fært að hafa salernið…Lesa meira

Veðrið lék við Hólmara þegar blaðamann bar að garði í Stykkishólmshöfn síðasta miðvikudag. Þar hitti hann fyrir Guðmund Gunnlaugsson sem var að ísa glænýja grásleppu. Guðmundur rær ásamt eiginkonu sinni Dagbjörtu Bæringsdóttur á Kristbjörgu SH-084. „Við erum búin að fara nokkur ár saman á grásleppu,“ segir Guðmundur, en þau eiga bátinn ásamt tengdasyninum. „Við fórum…Lesa meira

Nú stendur yfir vinna við annan áfanga lóðar Fjölbrautaskóla Snæfellinga í Grundarfirði. Verið er að taka stéttina fyrir framan anddyri skólans, setja hitalagnir undir og bæta aðgengi fyrir fólk á hjólastólum. „Það var byrjað á þessum öðrum áfanga í júníbyrjun, skömmu eftir að skóla lauk. Til stendur að vinnu ljúki fyrir Grundarfjarðadaga sem eru síðustu…Lesa meira

Vegagerðin hefur samþykkt að veita 2,2 milljónum króna til viðhalds styrkvega í Dalabyggð á árinu 2016. Þetta kemur fram í fundargerð byggðarráðs Dalabyggðar frá 6. júlí síðastliðnum. „Byggðarráð þakkar veittan styrk en lýsir yfir vonbrigðum með smánarlega lág fjárframlög til styrkvega. Framlög virðast lækka á sama tíma og tilhneiging er til að færa vegi í…Lesa meira

Á morgun, fimmtudaginn 14. júlí, hefst að vindási í Borgarnesi Íslandsmót yngri flokka í hestaíþróttum 2016. Keppni hefst kl. 9.00 með forkeppni í fjórgangi unglinga og stendur yfir til sunnudagsins 17. júlí. Gestgjafar mótsins eru félagar í Hestamannafélaginu Skugga í Borgarnesi. Alls bárust mótsstjórn rúmlega 530 skráningar í Íslandsmótið og því ætti að verða margt…Lesa meira

„Ertu hrædd við hunda?“ spyr Hjördís Helga Ágústsdóttir blaðamann þegar við kíktum í heimsókn til hennar fyrir helgina. Blaðamaður svarar því neitandi og fær þá hlýjar móttökur af hvítum, loðnum og stórum hundi sem minnir helst á ísbjörn, ekki að blaðamaður hafi séð ísbjörn. Hann hefur fengið nafnið Klaki sem er vel viðeigandi fyrir þennan…Lesa meira

Mánudaginn 11. júlí síðastliðinn birtist auglýsing í Stjórnartíðindum þess efnis að frá og með 13. júlí og til og með 31. júlí yrðu strandveiðar bannaðar á svæði A sem nær frá Eyja- og Miklaholtshreppi til Súðavíkurshrepps. Í tilkynningu frá Landssambandi smábátaeigenda kemur fram að góð sigling hafi verið á veiðunum í þá sex daga sem þær…Lesa meira

Áttunda umferð Pepsi deildar kvenna verður spiluð í heild sinni í kvöld. Skagakonur mæta liði Breiðabliks á Akranesvelli klukkan 19:15. Skagakonur hafa verið í erfiðleikum í deildinni í sumar og eru á botni deildarinnar með eitt stig. Breiðablik er hins vegar í efsta sæti deildarinnar með 17 stig. Leikurinn í kvöld verður því erfiður fyrir Skagakonur…Lesa meira

Laxveiðin gengur ágætlega víðast hvar en fiskurinn mætti reyndar vera ákveðnari að taka agn veiðimanna sumsstaðar. Veiðimaður sem var að koma úr Laxá Í Leirársveit sagði laxinn alveg áhugalausan, en mikið væri af fisk víða í ánni. „Það eru komnir fyrir 200 laxar á land í Laxá í Dölum og við erum ekki búnir að…Lesa meira

Helga Gunnarsdóttir hefur látið af störfum sem sviðsstjóri skóla- og frístundasvið Akraneskaupstaðar. Á fundi skóla- og frístundaráðs þann 12. júlí sl. voru Helgu þökkuð mjög góð störf í þágu skóla- og frístundastarfsemi á Akranesi og óskað velfarnaðar í framtíðinni. Á sama fundi voru samþykkt drög að hæfniskröfum og auglýsingu vegna ráðningar nýs sviðsstjóra. Helga Gunnarsdóttir…Lesa meira