Rafmagn verður tekið af hluta Borgarbyggðar og Eyja- og Miklaholtshreppi á morgun, fimmtudaginn 12. nóvember, vegna vinnu við nýtt strengkerfi. Rafmagnsleysið er fyrirhugað frá klukkan 12 til 17. Á meðan framkvæmdum stendur gæti rafmagn komið á tímabundið vegna prófana. "Íbúar eru því hvattir til að gera ráð fyrir rafmagnsleysi allan tímann. Nánari upplýsingar fást hjá stjórnstöð í síma 528 9000," segir í tilkynningu frá Rarik.