Íslenskur textíliðnaður hf, Ístex hf., er ullarvinnslufyrirtæki sem vinnur nánast alla ull sem til fellur af íslensku sauðfé. Fyrirtækið komst fyrir nokkrum árum að stærstum hluta í eigu bænda og fjórir í stjórn þess koma úr röðum þeirra og einn frá Bændasamtökum Íslands. Ístex rekur ullarþvottarstöð á Blönduósi og spuna- og bandverksmiðju á grunni Álafossverksmiðjunnar í Mosfellsbæ. Byggingarréttur og fasteign á stórri lóð í Mosfellsbæ hefur verið haldgóð trygging fyrir skuldum fyrirtækisins sem farið hefur í gegnum öldudali í rekstri. Gunnar Þórarinsson, formaður stjórnar Ístex, segir í samtali við Skessuhorn að þrátt fyrir að dregist hafi að gera upp við bændur sé eiginfjárstaða fyrirtækisins góð.