Verkefnið Frisbígolf í Borgarnesi hlaut nýverið Samfélagsstyrk Krónunnar. „Með styrknum vill Krónan styðja við uppbyggingu fjölbreyttra tækifæra til hreyfingar og útivistar í nærsamfélaginu,“ segir í tilkynningu. Samfélagsstyrkur Krónunnar er veittur árlega til verkefna sem stuðla að jákvæðum áhrifum í nærsamfélögum, meðal annars á sviði lýðheilsu, umhverfismála og samfélagsuppbyggingar.

Andri Már Jónsson, meðstjórnandi í Hollvinasamtökum Borgarness, segir að frisbígolfvöllurinn í Skallagrímsgarði hafi fengið frábærar viðtökur og það sé því mjög ánægjulegt að geta tekið næsta skref og fjölgað brautunum. „Markmiðið er að skapa skemmtilega aðstöðu þar sem fólk á öllum aldri getur komið saman, farið út, hreyft sig og notið samverunnar. Stuðningur Krónunnar hjálpar okkur að gera níu brauta völl í Borgarnesi að veruleika,“ segir Andri Már.

Heiðdís Inga Hilmarsdóttir verkefnastjóri sjálfbærnimála hjá Krónunni, Andri Már Jónsson, meðstjórnandi Hollvinasamtaka Borgarness og Viktor Örn Axelsson, verslunarstjóri Krónunnar á Akranesi. Ljósm. aðsend

Styrkja stækkun frisbígolfvallar í Borgarnesi