Tónlistarhátíðin Heima-Skagi fór fram í sjötta sinn sl. laugardag á Akranesi. „Það er skemmst frá því að segja að þetta heppnaðist afskaplega vel. 17 listamenn/hljómsveitir – hátt í 90 manns, spiluðu og sungu – sex tíma dagskrá og fullt af glöðum gestum sem nutu tónlistar í miðbænum og Niðurskaganum á Akranesi og meira að segja veðrið var að mestu gott,“ segir Ólafur Páll Gunnarsson skipuleggjandi hátíðarinnar og handhafi menningarverðlauna Akraneskaupstaðar 2026. Í tilkynningu þakkar Óli Palli öllum sem komu að skipulagningu hátíðarinnar, húsráðendum, tónlistarfólki, reddurum og stuðningsaðilum. Meðfylgjandi myndir tók Daníel hjá BLIK Studio og fá þær að tala sínu máli.

Heima Skaga hátíðin gekk að vonum