Hluthafafundur Ljósleiðarans samþykkti í gær að veita umboð til aðgerða sem leitt gætu til breytinga á eignarhaldi félagsins. Nú er Ljósleiðarinn að öllu leyti í eigu Orkuveitunnar, sem aftur er að fullu í eigu sveitarfélaganna Reykjavíkurborgar, Akraneskaupstaðar og Borgarbyggðar. Samþykkt hluthafafundar Ljósleiðarans var því samþykkt með fyrirvara um staðfestingu eigenda Orkuveitunnar. Reykjavíkurborg, sem stærsti eigandinn, lítur ekki á rekstur Ljósleiðarans sem hluta af grunnrekstri sínum. Hildur Björnsdóttir borgarstjóri staðfesti í samtali við mbl.is í morgun að í hlutafénu liggi talsverð verðmæti sem mætti nýta betur í þágu borgarbúa.