Við setningu Björgunar 26 í síðustu viku, alþjóðlegrar ráðstefnu um björgunarmál, var skrifað undir viljayfirlýsingu íslenska ríkisins og Slysavarnafélagsins Landsbjargar um áframhaldandi stuðning við endurnýjun björgunarskipaflotans við strendur Íslands. Ríkið hefur stutt myndarlega við verkefnið fram til þessa, með 50% framlagi í hvert skip. Fyrir lá viljayfirlýsing um aðkomu ríkisins að tíu skipum og nú með þessari undirskrift tryggir ríkið aðkomu sína að síðustu þremur björgunarskipunum. Hringnum verður því lokað innan skamms með 13 öflugum björgunarskipum. Næsta skip fer til Neskaupsstaðar. Öryggi sjófarenda við stendur landsins verður með samningnum betur tryggt fyrir vikið.