Ljósleiðaraslit var um klukkan 10 í morgun á stofnstreng Mílu milli Akraness og Lambhaga í Hvalfjarðarsveit. Í tilkynningu frá Mílu kemur fram bilunin hafi áhrif á farsímasamband á svæðum í Svínadal, Lambhaga og á Grundartanga, auk nettenginga í nágrenni við Lambhaga. Búið er að staðsetja bilunina rétt austan við hringtorgið inn á Akranes. Framkvæmdasvið Mílu er farið af stað í viðgerð.