Í tilefni af 130 ára vígsluafmæli Akraneskirkju, sem var fyrr á þessu ári, verður haldin Þjóðbúningamessa í kirkjunni sunnudaginn 11. október kl. 13:00. Þar mun séra Ólöf Margrét Snorradóttir messa og kórinn Hljómur, kór eldri borgara á Akranesi, syngja. Allir eru velkomnir en ekki síst þeir sem sem eiga og vilja skarta íslenska þjóðbúningnum, en einnig þjóðbúningum annarra landa.