Það þarf ekki alltaf mikið til að gera daginn betri. Góður kaffibolli, spjall, hlátur og samvera með öðru fólki geta skipt meira máli en margan grunar. Félagsstarf fyrir 60 ára og eldri í Hvalfjarðarsveit er einmitt vettvangur fyrir slíkar stundir og næsta opna hús verður í félagsheimilinu Miðgarði þriðjudaginn 6. október kl. 12:15. Félagsleg tengsl eru mikilvæg á öllum æviskeiðum en ekki síst þegar fólk eldist og daglegt umhverfi tekur breytingum. Regluleg samvera getur rofið einveru, skapað tækifæri til samtals og gefið fólki tilefni til að koma út úr húsi og hitta aðra. Þar gefst svigrúm til að rækta gömul vináttubönd, mynda ný kynni og einfaldlega njóta þess að vera hluti af samfélaginu.