Kirkjugarðurinn í Görðum á Akranesi hefur fengið þrjá bekki að gjöf frá tveimur líknarfélögum á Akranesi. Kiwanisklúbburinn Þyrill gaf einn bekk en Slysavarnadeildin Líf tvo. Bekkjunum hefur þegar verið komið fyrir á völdum stöðum í garðinum þar sem gestir geta tyllt sér niður og notið kyrrðarinnar. Bekkirnir eru kærkomin viðbót og munu nýtast þeim fjölmörgu sem þangað leggja leið sína, hvort sem er til að vitja leiða ástvina eða njóta stundar í rólegu umhverfi.