Íbúar við Esjuvelli og Dalbraut á Akranesi mótmæla harðlega hugmyndum um að sameina grenndarstöðvar bæjarins á einum stað við Dalbraut, þétt við íbúðabyggð. Sextán íbúar hafa undirritað mótmælabréf sem sent var formanni skipulags- og umhverfisráðs Akraneskaupstaðar og bæjarstjórn. Þeir segja nú þegar mikið ónæði fylgja grenndarstöðinni og óttast að það aukist til muna verði áformin að veruleika.