Það var komið yfir nónbil síðastliðinn föstudag þegar blaðamaður Skessuhorns hélt á Arnarvatnsheiði í þeim erindagjörðum að heilsa upp á leitarmenn þar. Borgfirðingar halda í leitum til í tveimur skálum, annars vegar við Úlfsvatn og hins vegar í Álftakróki. Á síðarnefnda staðnum halda þeir til sem fara lengst, leita allt upp í Fljótsdrög og eru á fjöllum í fjóra daga.