Tillaga um sameiginlegan rekstur skammtímadvalar fyrir fötluð börn á Vesturlandi var tekin til afgreiðslu í bæjarstjórn Akraness á fundi hennar í gær. Tillagan var unnin af framkvæmdastjórum sveitarfélaga á Vesturlandi í samstarfi við sviðsstjóra velferðarsviða á svæðinu. Velferðar- og mannréttindaráð Akraness hafði áður tekið tillöguna fyrir og fagnaði þeirri uppbyggingu sem þar er lögð til. Ráðið samþykkti tillöguna fyrir sitt leyti og vísaði henni áfram til bæjarstjórnar.