Sunnudaginn 6. september var hátíðarmessa í Grundarfjarðarkirkju þar sem 60 ár eru frá því að kirkjan var vígð. Séra Gísli Gunnarsson vígslubiskup á Hólum flutti predikun en sr. Karen Hjartardóttir núverandi sóknarprestur í Setbergsprestakalli stýrði hátíðlegri stund. Fjölmennt var í messunni. Margir fyrrverandi prestar í sókninni létu sjá sig en einnig mætti Sigurbjörn Magnússon en hann er sonur Sr. Magnúsar Guðmundssonar sem var prestur í sókninni þegar Grundarfjarðarkirkja var vígð. Eftir hátíðarmessuna bauð Kvenfélagið Gleym mér ei í hátíðarkaffi í Samkomuhúsi Grundarfjarðar.