Krónan og Landbúnaðarháskóli Íslands hafa undirritað þriggja ára samstarfssamning. Markmiðið er að færa nemendur skólans nær atvinnulífinu, efla þekkingu þeirra á matvælamarkaði og styrkja tengsl Landbúnaðarháskólans, bændasamfélagsins og Krónunnar. Samstarfið nær meðal annars til náms í búfræði og búvísindum. „Starfsfólk Krónunnar mun taka þátt í kennslu með fyrirlestrum, fyrirtækjaheimsóknum og ráðgjöf. Nemendur fá þannig innsýn í starfsemi matvöruverslunar, vöruþróun, neytendahegðun og sjálfbærni og vinna með raunveruleg viðfangsefni íslensks matvörumarkaðar,“ segir í tilkynningu vegna samningsins.