Unnið verður við þrif og viðhald í Hvalfjarðargöngum að næturlagi dagana 7. til og með 9. september, frá kl. 23.00 til 6.30. Fylgdarakstur verður um göngin á meðan vinna stendur yfir. „Vegfarendur eru hvattir til að aka varlega og fylgja leiðbeiningum starfsfólks. Við þrif getur myndast mikil hálka í göngunum og því er sérstaklega mikilvægt að aka með gát og taka alls ekki fram úr ökutækjum sem stýra fylgdarakstri. Götusópar, vatnsbílar og körfubílar verða að störfum í göngunum og eru vegfarendur beðnir um að sýna þeim sérstaka aðgát,“ segir í tilkynningu frá Vegagerðinni.