Ný sóttvarnalög tóku gildi í gær, 1. september, og leysa af hólmi lög sem gilt hafa frá árinu 1997. Lögin voru samþykkt á Alþingi í apríl eftir umfangsmikla endurskoðun og byggja meðal annars á reynslu af COVID-19 faraldrinum. Markmið laganna er áfram að vernda líf og heilsu fólks gegn smitsjúkdómum en jafnframt að skýra ábyrgð, samhæfingu og ákvarðanatöku stjórnvalda þegar alvarlegar farsóttir eða aðrar heilbrigðisógnir koma upp.