Íslenska ungmennalandsliðið í keilu lauk um helgina keppni á Youth Triple Crown 2026 sem fram fór í Ayr í Skotlandi. Íslensku keppendurnir stóðu sig vel á mótinu og fengu dýrmæta reynslu í keppni við öflug ungmennalandslið frá hinum þátttökuþjóðunum sem voru England, Írland og Skotland. Youth Triple Crown eru eins konar vináttuleikar í keilu þar sem Íslandi hefur verið boðið að taka þátt núna í nokkur ár í hinum ýmsu aldursflokkum.