Starfshópur um mótun nýrrar ferjuáætlunar, sem Eyjólfur Ármannsson innviðaráðherra skipaði síðsumars, hefur nú hafið störf. Gert er ráð fyrir að hópurinn ljúki störfum fyrir 1. desember nk. Fyrirkomulag ferjusiglinga í sumar mætti harðri gagnrýni í ljósi þess að Breiðafjarðarferjan Baldur var tekin úr siglingum á Breiðafirði og sett í siglingar samhliða Herjólfi til Vestmannaeyja. Brotthvarf Baldurs af Breiðafirði skapaði þannig forsendubrest fyrir ferðaþjónustu beggja vegna fjarðar um margra vikna skeið.