Mugison heldur óvenjulega náttúrutónleika í Sundlauginni að Hlöðum í Hvalfirði annað kvöld, fimmtudagskvöldið 20. ágúst. Þar gefst tónleikagestum kostur á að njóta tónlistar hans í lauginni og pottunum undir berum himni.

Tónleikarnir eru hluti af Náttúrutónleikaröð Mugisonar, en í sumar hefur hann ferðast víða um land og komið fram á fallegum og óhefðbundnum tónleikastöðum. Hugmyndin er að færa tónlistina út í náttúruna og skapa afslappaða samverustund þar sem Mugison flytur úrval sinna þekktustu laga. Að þessu sinni verður sviðsmyndin með óvenjulegra móti því tónleikarnir fara fram við Sundlaugina að Hlöðum í norðanverðum Hvalfirði. Þar er meðal annars rúmlega 31 gráðu heit sundlaug auk heitra potta, þannig að gestir geta gert sig heimakomna í vatninu á meðan tónlistin ómar yfir svæðið.

Tónleikarnir hefjast kl. 20 fimmtudaginn 20. ágúst og standa til kl. 21. Miðaverð á viðburðinn er 5.900 krónur samkvæmt upplýsingum frá aðstandendum. Það má því búast við sérstæðri ágústkvölds stemningu að Hlöðum þar sem saman fara tónlist Mugisonar, útisund og náttúra Hvalfjarðar.