Sigurður Þór Elísson hefur verið settur tímabundið í embætti varaslökkviliðsstjóra hjá Slökkviliði Akraness og Hvalfjarðarsveitar (SAH). Skipunin tók gildi 1. júlí síðastliðinn. Sigurður Þór hefur starfað hjá slökkviliðinu frá árinu 2002 og gegnt þar fjölbreyttum störfum. Hann hefur lokið margvíslegri fagmenntun við Brunamálaskóla HMS, meðal annars sem almennur slökkviliðsmaður, reykkafari, þjálfunarstjóri og varðstjóri. Frá árinu 2020 hefur Sigurður Þór verið í fullu starfi sem eldvarnareftirlitsmaður hjá SAH. Með tímabundinni ráðningu hans tekur hann við verkefnum varaslökkviliðsstjóra samhliða öðrum störfum sínum hjá slökkviliðinu.