Ingibjörg Davíðsdóttir, þingmaður Miðflokksins í Norðvesturkjördæmi, fundaði á miðvikudaginn með fulltrúum frá Félagi atvinnulífs í Stykkishólmi til að kynna sér áhrif þess að ferjan Baldur hefur verið tekin úr siglingum yfir Breiðafjörð og flutt til Vestmannaeyja. Jakob Björgvin Sigríðarson Jakobsson, bæjarstjóri Sveitarfélagsins Stykkishólms, sat einnig fundinn. Fundurinn var haldinn að frumkvæði Ingibjargar sem vildi fá milliliðalausar upplýsingar frá atvinnulífi og heimamönnum um áhrif þess að Baldur var tekinn úr reglubundnum siglingum um Breiðafjörð og færður til Vestmannaeyja.