Umhverfis- og landbúnaðarnefnd Borgarbyggðar hefur opnað fyrir tilnefningar til árlegra umhverfisviðurkenninga sveitarfélagsins. Viðurkenningunum er ætlað að hvetja íbúa, bændur og fyrirtæki til að leggja sitt af mörkum við að fegra nærumhverfið og stuðla að snyrtilegu og aðlaðandi sveitarfélagi. Hægt er að senda inn tilnefningar í fimm flokkum: snyrtilegt bændabýli, fallega lóð við íbúðarhús, snyrtilega atvinnulóð, samfélagsviðurkenningu fyrir framúrskarandi framlag til umhverfismála og sérstaka viðurkenningu fyrir snyrtilegt og vel hirt umhverfi.