Rétt um klukkan 19 í gærkvöldi var áhöfnin á björgunarskipinu Sigurvin á Siglufirði kölluð út á hæsta forgangi þegar stjórnstöð Landhelgisgæslunnar bárust boð frá togaranum Ottó N. Þorlákssyni frá Vestmannaeyjum um að skipið væri aflvana og hættulega nálægt landi á Siglufirði. Lega hafði ofhitnað og mikill reykur fylgdi því en enginn eldur. Rek skipsins breyttist örlítið og var komið um eina sjómílu frá landi.