Félags- og húsnæðismálaráðuneytið, Akraneskaupstaður og Hvalfjarðasveit skrifuðu í dag undir samkomulag um stækkun hjúkrunarheimilins Höfða við Sólmundarhöfða á Akranesi um allt að 60 hjúkrunarrými. Í dag eru 75 íbúar á Höfða, þar af tveir í skammtímarýmum. Hjúkrunarrýmum mun því fjölga um 80% þegar nýja heimilið verður tekið í notkun. Þörfin fyrir stækkun heimilisins er brýn, en nú eru um 60 manns á biðlista eftir plássi á Höfða.