Hestaþing Glaðs og úrtaka Glaðs, Storms og Hendingar fyrir Landsmót fór fram dagana 20. – 21. júní á félagssvæði Glaðs í Búðardal. Þátttaka var góð en alls voru 70 keppendur skráðir til leiks í átta greinum.  Að lokinni forkeppni á laugardeginum stóð Fremri-Gufudalur fyrir glæsilegri ræktunarbúsýningu. Fjöldi gesta sótti svæðið til að fylgjast með og ríkti góð stemning meðal keppenda og áhorfenda alla helgina.