Nokkrir galvaskir veiðimenn fóru nýverið í sína árlegu veiðiferð upp á Arnarvatnsheiði, nánar til tekið í Arnarvatn stóra. Blaðamaður hafði samband við Anton Guðmundsson, sem fer fyrir hópnum, og spurði hann út í veiðina. „Arnarvatnsheiðin svíkur aldrei veiðimann sem kann til verka og ber virðingu fyrir náttúrunni,“ segir Anton. Að sögn hans var bleikjan einstaklega vel upplögð og aflabrögðin voru með besta móti.