Alþingi samþykkti á lokadegi þinghalds frumvarp Hönnu Katrínar Friðriksson atvinnuvegaráðherra um nýja Stofnun atvinnuveganna. Lögin munu taka gildi 1. janúar 2027 og tekur stofnunin þá til starfa. Með lögum um Stofnun atvinnuveganna verður til ný ríkisstofnun sem mun sinna þeim verkefnum sem áður voru hjá Matvælastofnun, Fiskistofu og Verðlagsstofu skiptaverðs, auk þess sem þau verkefni sem heilbrigðiseftirlit sveitarfélaganna hafa fram til þessa sinnt, og snúa að eftirliti með matvælum, færast frá sveitarfélögunum til hinnar nýju stofnunar. Allt eftirlit með matvælum mun því vera undir einni og sömu stofnun.