Ný Icewear verslun var opnuð í Stykkishólmi fimmtudaginn 11. júní. Verslunin er sú 35. í röðinni hjá fyrirtækinu og er staðsett við höfnina í því húsnæði þar sem ferðaþjónustufyrirtækið Sæferðir var áður til húsa. Undirbúningur gekk hratt fyrir sig en teymi frá Icewear hóf uppsetningu verslunarinnar síðastliðinn mánudag. Á fáum dögum var húsnæðinu breytt í glæsilegt verslunarrými með úrvali af fatnaði og útivistarvörum.