Brautskráning nemenda frá Landbúnaðarháskóla Íslands fór fram síðastliðinn fimmtudag við hátíðlega athöfn í Hjálmakletti í Borgarnesi. Hópur nemenda kvaddi skólann og heldur nú út í atvinnulífið eða til frekara náms.

Verðlaunahafar í búfræði

Af búfræðibraut útskrifuðust 19 nemendur. Rökkvi Hljómur Kristjánsson rakaði til sín verðlaunum fyrir frábæran árangur, en hann lauk búfræðiprófi með einkunnina, 9,41. Eftirtaldir hlutu viðurkenningar:

Í hagfræðigreinum (allar greinar): Hugrún Lilja Pétursdóttir (Gefandi: Búnaðarsamtök Vesturlands)

Í bútæknigreinum: Rökkvi Hljómur Kristjánsson (Gefandi: Lífland)

Í búfjárræktargreinum: Rökkvi Hljómur Kristjánsson (Gefandi: RML)

Fyrir góðan árangur í námsdvöl: Rökkvi Hljómur Kristjánsson (Gefandi: Minningarsjóður Hjartar Snorrasonar og Ragnheiðar Torfadóttur)

Fyrir frábæran árangur á búfræðiprófi: Rökkvi Hljómur Kristjánsson (Gefandi: Bændasamtök Íslands)

Verðlaunahafar fyrir góðan árangur í grunnnámi (BS próf):

Fjölmargir nemendur luku BS prófi á ólíkum fræðasviðum skólans. Sex nemendur brautskráðust með BS próf í búvísindum, tveir úr hestafræði, 13 í landslagsarkitektúr og þrír í skógfræði.

Fyrir góður árangur á BS prófi á Búvísindabraut: Atli Björn Atlason (Gefandi: Bændasamtök Íslands)

Fyrir góðan árangur á BS prófi á Hestafræðibraut: Saga Björk Jónsdóttir (Gefandi: Kaupfélag Borgfirðinga)

Fyrir góður árangur á BS prófi í Landslagsarkitektúr: Agnes Björk Stefánsdóttir og Ólöf Dagmar Guðmundsdóttir (Gefandi: Félag íslenskra landslagsarkitekta)

Fyrir góður árangur á BS prófi í Náttúru- og umhverfisfræði: Guðlaug I Tinna Grétarsdóttir. (Gefandi: Hið íslenska náttúrufræðifélag)

Fyrir góður árangur á BS prófi í Skógfræði: Bolli Pálmason (Gefandi: Skógræktarfélag Reykjavíkur)

Loks voru veittar heildarviðurkenningar LbhÍ á BS prófi: Fyrir frábæran árangur fyrir BS lokaverkefni (einkunn 9,5): Hermann Haukur Aspar (búvísindi) og Bolli Pálmason (skógfræði). Fyrir frabæran árangur á BS prófi við LbhÍ (einkunn 9,15): Guðlaug I Tinna Grétarsdóttir (náttúru- og umhverfisfræði).

Framhaldsnám (Meistara- og doktorsnám)

Öflugur hópur lauk framhaldsnámi á háskólastigi við athöfnina. Í skipulagsfræði luku níu nemendur meistaranámi. Verðlaun fyrir góðan árangur á MS prófi í skipulagsfræðum hlaut Magdalena Maria Mokrzan (Gefandi: Skipulagsfræðingafélag Íslands). Í öðru meistaranámi luku 14 nemendur MS prófi og þrír luku doktorsnámi (Ph.D.) af þremur brautum.

Félags- og kynningarmál

Þá voru veitt sérstök verðlaun fyrir framlag til skólasamfélagsins. Hugrún Lilja Pétursdóttir hlaut verðugt klapp og viðurkenningu fyrir vel unnin störf í þágu félags-, kynningar- og framfaramála skólans á liðnu skólaári. Að lokum var veittur styrkur úr Framfarasjóði Ingibjargar Guðmundsdóttur og Þorvaldar Guðmundssonar í Síld og Fiski. Styrkþegi ársins er Sunna Þórarinsdóttir, sem hlaut 300 þúsund króna styrk vegna meistaranáms síns í búvísindum.

**Ragnheiður I Þórarinsdóttir rektor ávarpaði útskriftarnemendur**

Í tilefni dagsins sagði Ragnheiður I Þórarinsdóttir rektor Landbúnaðarháskóla Íslands: „Í dag fögnum við mikilvægum tímamótum í lífi brautskráðra nemenda okkar. Þau ganga héðan með þekkingu, reynslu og eigin viskubrunn til að takast á við ný verkefni, ný tækifæri og nýja ábyrgð. Við hjá Landbúnaðarháskóla Íslands erum stolt af samfylgdinni og óskum þeim innilega til hamingju með áfangann. Megi þau ávallt vera glöð, forvitin og ganga hugrökk til verka.“

Stór brautskráning hjá Landbúnaðarháskóla Íslands